BE.372 Logu no.99
ROHANGKU SAI HALASHON MA

Ayat 1
Rohangku sai halashon ma Sude na sian Debata
Luhut denggan basaNa Sai tatap hauma i sude
Nang porlak dohot tombak pe
Na uli do rupana, Na uli do rupana.

Ayat 2
Sude na di balian i Do pasangaphon goar ni
Tuhanta Debatanta. Nang eme na di hauma i
Nang hau sude na rata i
Dipuji do Tuhanta, Dipuji do Tuhanta.


Ayat 3
Nang angka bungabunga pe Nandul ummuli sasude
Sian na hinadenggan Ni si Salomo raja i,
I do paganda sangap ni
Tuhanta na di ginjang, Tuhanta na di ginjang.

Ayat 4
Ia mangkuling pidong i Na denggan marsoara i
Tuhanta diendehon Sibigo ambaroba pe
Ro di donganna sasude
Na denggan i begeon, Na denggan i begeon

Ayat 5
Antong, beha ma au disi Tung sip ma au umbege i ?
Palias i rohangku Dibaheni i sai dohot au
Tumiru sasudena lao
Mamuji Debatangku, Mamuji Debatangku

Ayat 6
Ia na denggan songon i Di tano on sudena i
Beha tagamon sogot Na uli na di surgo i?
I ma pingkiri rohangki
Tusi ma ho palohot, Tusi ma ho palohot

Ayat 7
I ma tutu, sai naeng tusi Palungunonku tondingki
Tu jolo ni Tuhanku. Disi marende au.
Disi marhasangapon au
Mamuji Debatangku, Mamuji Debatangku
